Мемлекет басшысы Ұлттық экономика министрі Әлібек Қуантыровты қабылдады

Жаңалықтар
Ақорда
Мемлекет басшысы Ұлттық экономика министрі Әлібек Қуантыровты қабылдады

Қасым-Жомарт Тоқаевқа министрліктің биылғы атқаратын негізгі міндеттері, сондай-ақ пандемиядан кейінгі кезеңдегі экономиканы дамытуға көшу шаралары жөнінде және оның сыртқы сын-тегеуріндерге төтеп беруіне қатысты ақпарат берілді.

Әлібек Қуантыров Президент тапсырмаларының орындалу барысы жөнінде баяндады. Атап айтқанда, Халықтың табысын арттыру бағдарламасы мен Инфляцияны бақылау және төмендету жөніндегі кешенді шаралардың жүзеге асырылуы туралы сөз болды.

Мемлекет басшысы Қазақстан халқына Жолдауы аясында еліміздің әкімшілік-аумақтық құрылымын өзгерту жөнінде нақты міндет жүктеді. Қазіргі уақытта комиссия жасақталып, жаңа облыстарды құру жұмыстарының алгоритмі әзірленді.

Кездесу қорытындысы бойынша Қасым-Жомарт Тоқаев макроэкономикалық тұрақтылықты қамтамасыз ету, экономиканы әртараптандыру және жаңа жұмыс орындарын ашу, экономикадағы мемлекеттің үлесін азайту, сондай-ақ тұрғындар мен кәсіпкерлерге қолдау көрсету жөнінде бірқатар тапсырма берді.

Кері қайту Кері қайту

kaynak:https://akorda.kz/kz/memleket-basshysy-ulttyk-ekonomika-ministri-alibek-kuantyrovty-kabyldady-242189

Мемлекет басшысы Ұлттық экономика министрі Әлібек Қуантыровты қабылдады

Толығырақ: https://t.co/tPNLi4WN4Epic.twitter.com/6CuelU4TTA

— President Kassym-Jomart Tokayev's Press Office (@AkordaPress) March 24, 2022