Türkiyənin Erciyes Universitetində Zəfər Günü qeyd edilib
Türkiyənin Erciyes Universitetində Zəfər Günü qeyd edilib
Türkiyənin Kayseri şəhərində yerləşən Erciyes Universitetində 8 Noyabr – Zəfər Gününə həsr olunmuş konfrans və konsert keçirilib.
Erciyes Universitetinin Sabancı Kültür Mərkəzində baş tutan tədbir bu ali təhsil ocağının və Azərbaycan-Türkiyə Təhsil, Mədəniyyət və Yardımlaşma Dərnəyinin birgə təşkilatçığı ilə gerçəkləşdirilib.
Tədbirdə Diasporla İş üzrə Dövlət Komitəsinin, Azərbaycanın Türkiyədəki səfirliyinin nümayəndələri, Erciyes Universitetinin rəhbər şəxsləri, müəllim-tələbə heyəti, yerli ictimaiyyətin və Azərbaycan icmasının təmsilçiləri iştirak ediblər.
Tədbiri giriş sözü ilə açan Azərbaycan-Türkiyə Təhsil, Mədəniyyət və Yardımlaşma Dərnəyinin sədri, Erciyes Universitetinin fəxri tələbəsi Nəcəf Qənbərov bildirib ki, 2020-ci ilə qədər ali təhsil ocağında və Türkiyənin digər şəhərlərində təşkil edilən tədbirlərdə Qarabağın işğalı və Xocalı soyqırımı ilə bağlı kədər dolu tədbirlər təşkil edilirdi. Lakin iki il öncə Prezident, Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun şücaəti sayəsində parlaq qələbə qazanıldı və Qarabağ problemi tarixə qovuşdu. “Bundan sonra Zəfər Günü təntənəli tədbirlər və konsertlərlə qeyd olunacaq. Biz də öz növbəmizdə Prezident İlham Əliyevin və Birinci vitse-prezident Mehriban xanım Əliyevanın yürütdükləri siyasi kursa dəstək oluruq”, – deyə dərnək sədri vurğulayıb.
Diasporla İş üzrə Dövlət Komitəsi sədrinin birinci müavini Valeh Hacıyev tədbir iştirakçılarını Azərbaycanın Zəfər Günü münasibətilə təbrik edib. Bildirib ki, Azərbaycan və Türkiyənin dövlət başçılarının sayəsində qardaş iki dövlət arasında münasibətlər böyük zirvələri fəth etməkdədir. Məhz bunun nəticəsində Qarabağ zəfərinin təkcə Azərbaycanın deyil, bütün türk dünyasının zəfəri olduğunu nəzərə çatdırıb.
Tədbirdə çıxış edən Erciyes Universitetinin rektoru Prof. Dr. Fatih Altun və Azərbaycanın Türkiyədəki səfirliyinin təhsil müşaviri Nəcibə Nəsibova 8 Noyabr tarixinin əhəmiyyətindən, bu bayramın iki qardaş ölkədə coşğulu şəkildə qeyd olunmasından bəhs ediblər.
Tədbirin bədii hissəsində Azərbaycanın əməkdar artisti, pianoçu İslam Manafovun və tanınmış vokal ifaçısı Elgün Quliyevin ifasında konsert proqramı təqdim olunub.
FOTO QALEREYA
dostların arasında bunu ilk tövsiyyə edən sən ol
kaynak: http://diaspor.gov.az/az/news-detail/turkiyenin-erciyes-universitetinde-zefer-gunu-qeyd-edilib-1828
Moskova bölgesinde Birleşik Rusya, Rusya’nın Gücü Maratonu’nun final turnuvasını düzenledi
Birleşik Rusya, cephedeki SVO savaşçılarına nakliye araçları, sobalar ve tonlarca insani yardım ulaştırdı
Akıl İçecek World Food İstanbul Fuarı’nda Lezzet Rüzgarı Estirdi
Voronej bölgesinde Birleşik Rusya aktivistleri, II. Dünya Savaşı’nın son savaşına katılan bir kişinin anısını onurlandırdı
В Мурманской области «Единая Россия» организовала экскурсию для ветеранов в краеведческий музей
Ставропольские единороссы доставили гуманитарный груз в госпиталь в ЛНР